‘या’ बाजारसमितीत वाढला कांद्याचा कमाल भाव; पहा आजचे कांदा बाजारभाव

हॅलो कृषी ऑनलाईन : शेतकरी मित्रांनो सध्या राज्यातील कांदा बाजार भाव पाहता कांद्याचा दर घसरलेला पाहायला मिळत आहे. त्यामुळे कांदा उत्पादक शेतकऱ्यांमध्ये चिंता आहे. मात्र आजचे बाजारभाव पाहता कांद्याला सर्वाधिक कमाल 2499रुपयांचा भाव मिळाला आहे. हा भाव पिंपळगाव बसवंत कृषी उपन्न बाजार समिती इथे मिळाला आहे.

तर सर्वाधिक आवक देखील पिंपळगाव बसवंत कृषी उत्पन्न बाजार समिती इथे झाली असून ही आवक 26,500 क्विंटल इतकी झाली आहे याकरिता किमान भाव तीनशे रुपये कमाल भाव 2499, तर सर्वसाधारण भाव बाराशे रुपये इतका मिळाला.

दरम्यान मागच्या दोन वर्षांपासून चांगला भाव मिळत असलेल्या सोलापूर कृषी उत्पन्न बाजार समिती इथे आज 8210 क्विंटल पांढऱ्या कांद्याची आवक झाली याकरिता किमान भाव 100 कमाल भाव 2200 आणि सर्वसाधारण भाग हजार रुपये इतका मिळाला.

मात्र बाकी बाजार समित्यांमधला भाव हा कमीच आहे. घसरलेल्या दरामुळे कांदा उत्पादक शेतकरी हवालदिल झाला असून उत्पादन खर्च देखील शेतकऱ्याला मिळत नाहीये. शिवाय पावसामुळे चाळीतला कांदा देखील कुजतो आहे. त्यामुळे कांद्याची शेती करावी की नको अशी अवस्था कांदा उत्पादक शेतकऱ्यांची झाली आहे.

आजचे कांदा बाजारभाव