हॅलो कृषी ऑनलाईन : राज्यातील विविध भागांमध्ये लंपी या जनावरांना होणाऱ्या त्वचा रोगाचा प्रादुर्भाव मोठ्या प्रमाणात पसरताना दिसत आहे. त्यामुळे प्रतिबंधात्मक उपाय म्हणून काळजी घेण्याचे आवाहन प्रशासनाकडून वारंवार करण्यात येत आहे.
दरम्यान, शेती उत्पन्न बाजार समिती कराड, जिल्हा सातारा यांच्या वतीने देखील एक आवाहन जारी करण्यात आलं असून या आवाहनाद्वारे जनावरांचा बाजार बंद करण्यात येत असल्याचं सांगण्यात आलं आहे.
शेती उत्पन्न बाजार समिती कराड येथील बैल बाजार दर गुरुवारी भरत असतो. माननीय जिल्हाधिकारी तथा अध्यक्ष जिल्हा आपत्ती व्यवस्थापन जिल्हा सातारा यांनी दिनांक 17 जून 2022 अन्वये प्राप्त अधिकाऱ्यांवर लंपी स्कीन या अनुसूचित रोगाचा प्रतिबंध नियंत्रण व निर्मूलन करण्यासाठी मौजे वाघेरे या संसर्ग केंद्रापासून 10 त्रिज्येच्या परिसरातील सर्व गाव बाधित क्षेत्र आणि निगराणी क्षेत्र म्हणून घोषित करण्यात आली आहे. त्याला अनुसरून आपत्ती व्यवस्थापन किंवा तहसीलदार तथा अध्यक्ष तालुकास्तरीय लंपी स्किन रोग सनियंत्रण समिती तालुका कराड यांच्या आदेशानुसार मौजे वाघेरी या संसर्ग केंद्रापासून दहा किलोमीटर परिसरात जनावरांची खरेदी किंवा विक्री किंवा वाहतूक किंवा बाजार किंवा जत्रा आणि प्रदर्शन आयोजित करण्यास कराड येथील जनावरांचा बाजार लंपी प्रादुर्भावामुळे पुढील आदेश मिळेपर्यंत बंद ठेवण्याचा आदेश देण्यात आला आहे.
error: Content is protected !!
