आज काय झाला सोयाबीन बाजारभावात बदल ? जाणून घ्या

हॅलो कृषी ऑनलाईन : शेतकरी मित्रांनो राज्यामध्ये झालेल्या परतीच्या पावसामुळे सोयाबीन पिकाचं अतोनात नुकसान झालं आहे. हाता तोंडाशी आलेले सोयाबीनच पीक हे चिखल माती झालयं त्यामुळे दिवाळी साजरी कशी करायची? असा सवाल सोयाबीन उत्पादक शेतकऱ्यांना पडला आहे.

तर दुसरीकडं सोयाबीन बाजारातली अवस्था पाहता ती देखील काहीशी बरी आहे असं म्हणावसं वाटत नाही. कारण सोयाबीनचे दर हे मागच्या दोन आठवड्यांपासून 5000 रुपयांवर स्थिर आहेत तेही कमाल दर पाच हजार रुपयांपर्यंत असून सर्वसाधारण दर हे 4000 च्या पटीत आहेत. त्यामुळे सोयाबीन उत्पादक शेतकरी हा चिंतेत आहे.

दरम्यान आज सायंकाळी 5:00 वाजेपर्यंत प्राप्त झालेल्या राज्यातील विविध कृषी उत्पन्न बाजार समितीमधील सोयाबीन बाजारभावानुसार आज सोयाबीनला सर्वाधिक कमाल भाव 5252 इतका मिळाला आहे.

हा भाव केज कृषी उत्पन्न बाजार समिती इथे मिळाला असून आज या बाजार समितीमध्ये 376 क्विंटल पिवळ्या सोयाबीनची आवक झाली. याकरिता किमान भाव ४५०० कमाल भाव 5252 आणि सर्वसाधारण भाव 4700 इतका मिळाला आहे.

तर सर्वाधिक आवक ही वाशिम कृषी उत्पन्न बाजार समिती येथे झाली असून ही अवक 4500 क्विंटल इतकी झाली आहे. तर त्याकरिता किमान भाव 4,600 कमाल भाव ५०५० आणि सर्वसाधारण भाव 4800 रुपये इतका मिळाला आहे.